निमाई कुमार सरदार (मिंज)
बोलपुर ( शांति निकेतन) पश्चिम बंगाल
खे़र चींखी घड़ी घड़ी अक्कु नुम मनो पईरी
होरमर नीम एजरा,
हरहुर्रा ख़द्दर चोअनर मदगी पेसा काआनर
धुन्धुर माखा़ मुंजरा।।
ई बेड़ा कुक्कोर उरुखनर अड्डो मेन्ता का:नर
अज्जी खेस्स पुखी,
पइरी पइरीम एम्बस नाल नु गोहला उइय्यस
अयो भेटांगो चुक्खी।।
टोंगए धरचस ददस कंके पलका केरास
सन्नी माई चींखी,
मण्डी एड़पा नु नासगो इरता लग्गी किसगो
दाई आसमा मुखी।।
खा़ड़ नु एमचस ख़ज्जरस अज्जोस टोंकन्ती किर्रीयस
नुड़का किचरी कुरियस,
लोटा नु अम्म होच्चस धरमे गुसन गोहरारस
पईरीन्ता बीड़ीन गोड़ लग्गियस
अड्डो खापुर किर्रोर अक्कुन लुरकुड़िया कालोर
टुड़ोर-पढ़ोर हेभरोर,
अजम चिहुट नानोर डक्टर इंजिनियर मानोर
कुँड़ुख भखान परदोर।।
—-०—-